كيف بدأ الديلولو
والإعلان عن سيبراليكس (بودكاست) وكيف تدون معنا .. انتظر نهاية التدوينة
في جلسة على قهوة كينج بارك بالعباسية ..
اجتمع 4 أصدقاء هم .. Yahya Salah Al-Maghraby وAbd Al-Rahman Haikal وomar GAD وHady Abd Elgwad ..
ومع الكلام طالع والمشاريب نازلة، كان لكل واحد من الأصدقاء فكرة لتدوينة تتبلور في دماغه يبحث عن فرصة لكتابتها ..
فكانت فكرة إنشاء مدونة مشتركة نشارك فيها كتاباتنا على Substack ..
التدوينات أهي لو عاوز تبص عليها
سميناها ديلولو Delulu وهو مصطلح يعرفه جيل زد من تحريف كلمة delusions أو ضلالات ..
وهي الفكرة اللي بنعبر بيها عن أفكارنا .. إزاي يكون عندك فكرة جادة جدًا بس تختار لها عنوان هلاس أو فيه هزار
وهي الطريقة اللي جيلنا تحديدًا بيحب يعبر بيها عن نفسه ..
ديلولو هي فرصة جديدة للتدوين الحر بكل أشكاله .. منصة غير تقليدية وطريقة كتابة غير تقليدية وعناوين غير تقليدية .. ثورة على نمط التدوين التقليدي ومواقع التدوين اللي فيها سياسة تحريرية تسلطية
في ديلولو اللي بينك وبين نشر مقالتك بس إنها تكون روشة كفاية
مع نشر التدوينات التلاتة الأولى انضم للفريق فورًا الأصدقاء Amr Hamdy Elsayed ومحمد وجدي عارف وAsmoza وBasma Shabana بتدويناتهم الرائعة التالية
وبعدها انضم للمدونين الأصدقاء الثلاثة Mohamed Tarek alkbaz وIsraa Soliman وإيمان أيمن وطارق عبد الغفار. بالتدوينات الأعلى قراءة في ديلولو لحد دلوقتي
كما انضم لفريق التحرير وقيد الإعداد تدوينات رائعة لهم كل من Khadijah وNourhan Hassan والمرأة التي تخيفها الكتابة وAhmed Eishra .. وتسريب ليكم من المطبخ .. تدوينات جامدة انتظروها
مع كل تجربة نشر جديدة بنتعلم حاجة جديدة، وبنسعد بالانتشار والوصول وتقديم تجربة التدوين لجيل رغم كونه الأعلى صخبًا والأكثر تأثيرًا لكنه الأقل رواية لحكايته ..
احنا مكملين الحكاية معاكم وعشان كده بنعلن عن مشروعين جداد ..
المشروع الأول هو بودكاست بيقوم بنفس دور المدونة لكن صوتيًا .. نقدم لكم سيبراليكس
هنركز فيه على تحويل كل تدوينة إلى تجربة صوتية موسعة أكتر ومسلية أكتر ومسموعة مع صاحب التدوينة نفسه
وأول حلقات البودكاست هيكونوا مفاجأة ..
هنكون موجودين على سبوتيفاي وأبل ويوتيوب ميوزيك وبوكتكاست وأوفركاست .. بالإضافة لأن أبلكيشن سبستاك نفسه بيتيح تجربة سماع ممتازة
أما المشروع التاني فهو إننا قررنا نبدأ نفتح النشر للي حابب ينشر معانا من غير أصدقائنا .. وده من خلال إيميل النشر delulueg@substack.com
ابعتلنا إيميل فيه:
تعريف بيك واهتماماتك (مش بنقبل النشر لشخصيات وهمية أو لا تكشف عن هويتها)
التدوينة مرفقة في ملف google docs في الإيميل (مش ملف word - ومش مكتوبة في متن الإيميل - ويكون متاح الـaccess لينا على الملف عشان نقدر نعدلها مش مجرد التعليق أو المشاهدة)
شروط التدوينة للنشر:
عنوانها يكون غير جاد (ممكن تاخد فكرة عن العناوين اللي بننشرها)
طولها لا يقل عن 600 كلمة
يُفضَّل يكون في المقالة صورة أو أكتر سواء في أولها أو منتصفها أو آخرها
متكونش بالعامية
متكونش اتنشرت قبل كده في سبستاك أو أي موقع آخر
احنا ملتزمين بالرد على أي إيميل خلال 72 ساعة بالتعديلات المقترحة ولو وافق الكاتب بيتم نشرها خلال 24 ساعة من إبلاغنا موافقته
مبسوطين إننا بنشارككم رحلتنا ومستنيين كل تعليقاتكم وإضافاتكم .. واستنوا التدوينات الجديدة والمشاريع الجديدة
